Saturday, April 26, 2008

கவிதைகளைப் போன்றதொரு வஸ்து

'எங்களுக்குள் இருப்பது
வெறும் நட்புதான்' என்றவர்களில்
25% பேரை
காவல் நிலையத்திலும்
25% பேரை
ரிஜிஸ்டர் அலுவலகத்திலும்
25% பேரை
குடும்ப நல நீதிமன்றங்களிலும்
25% பேரை
தண்டவாளங்களில்
சதை துணுக்குகளாகவும்
பார்த்தேன்.
மீதம் இருந்தவர்களுக்குள்
இருந்தது நட்பு மட்டும்தான்...

வேண்டியவர்களைக் காட்டிலும்
வேண்டாதவர்களின் எண்களே
தேவையாயிருக்கிறது.
அழைத்தால்
எடுக்காமலிருக்க...

அத்தனைப் பக்கங்களையும்
புரட்டியாகி விட்டது
அலுவலக அரசியலில்
தப்பிப்பது குறித்தோ
குடிப்பது குறித்தோ
சாலைகளைக்
கடப்பது குறித்தோ
யாதொரு குறிப்பும்
இல்லாத இந்த
புத்தகத்தை வைத்து
என்னதான் செய்வது?!

அடுத்தவன் விஷயத்தில்
மூக்கை வேண்டுமானால்
நுழைத்துக்கொள்ளுங்கள்
நாக்கை நுழையாதிருங்கள்...

Saturday, April 5, 2008

யாருங்க அது கேனக்கூ....?!

எம்.ஜி.ராமச்சந்திரன், குண்டுராவ் முதலமைச்சரா இருந்தப்போ அவரோட வீட்டுக்கு சாப்பிட போயிருந்தாராம். அங்கே சிக்கன், மட்டன்னு எல்லாத்தையும் ஒரு வெட்டு வெட்டுன நம்ம எம்.ஜி.ராமச்சந்திரன் குடிக்கிறதுக்காக வச்ச ஒரு டம்ளர் தண்ணிய மட்டும் குடிக்க மாட்டேன்னு மறுத்துட்டாராம். என்னன்னு கேட்டா, காவிரி தண்ணீர் இல்லாம தமிழனெல்லாம் கஷ்டப்படுறான்... நான் உன் வீட்டுக்கு வந்தாகூட அந்த தண்ணீரை சாப்பிடமாட்டேன்னுட்டாராம். எம்.ஜி.ராமச்சந்திரனின் தமிழுணர்வு நம்மை மெய் சிலிர்க்க வைக்கும் அதே வேளையில், மேற்படி மட்டன், சிக்கனெல்லாம் எந்த தண்ணீரில் சமைக்கப்பட்டது என்கின்ற இயல்பான கேள்வி எழுகிறது. ஒருவேளை முல்லைத் தமிழ் மணக்கும் நெல்லைச்சீமை தாமிரபரணியிலிருந்து குண்டுராவ் பிரத்யேகமாக தண்ணீரை வரவழைத்து சமைத்து கொடுத்திருப்பாரோ?! கேக்கறவன் கேனைக்கூ....ண்ணா புறட்சித்தமிளங்கய்ங்க கேப்பையில நெய் வடியுதும்பாய்ங்க... நாமளும் கூட்டமா வந்து நக்கிட்டு போக வேண்டியதுதாங்...