Monday, May 26, 2014

எழுத்தாளர் ஜெயமோகன் மற்றும் இசைக்கலைஞர் வாணிஜெயராம் ஆகியோருக்கு கண்ணதாசன் விருது

எழுத்தாளர் ஜெயமோகன் மற்றும் இசைக்கலைஞர் வாணிஜெயராம் ஆகியோருக்கு கண்ணதாசன் விருது!

கோவை கண்ணதாசன் கழகம் சார்பில் வழங்கப்படும் கண்ணதாசன் விருது இசைக்கலைஞர் வாணிஜெயராம் அவர்களுக்கும் எழுத்தாளர் ஜெயமோகன் அவர்களுக்கும் வழங்கப்படுகிறது.

 கண்ணதாசன் கழகம் மற்றும் கோவை ஸ்ரீ கிருஷ்ணா ஸ்வீட்ஸ் சார்பில் கவியரசு கண்ணதாசன் அவர்களின் 87ஆம் பிறந்ததினத்தை முன்னிட்டு 22.06.2014 அன்று மாலை 5.30 மணியளவில் கண்ணதாசன் விழா கோவை கிக்கானி மேல்நிலைப்பள்ளியில் நிகழ்கிறது.

இவ்விழாவில் எழுத்தாளர் ஜெயமோகன், பாடகி வாணிஜெயராம் ஆகியோருக்கு கண்ணதாசன் விருதுகள் சமர்ப்பிக்கப்படவுள்ளன.
ஒவ்வொருவருக்கும் ரூ.50,000 பொற்கிழியும்பட்டயமும் கொண்ட இவ்விருது கண்ணதாசன் கழகத்தின் நிறுவனர் திரு.கிருஷ்ணகுமார் அவர்களால் நிறுவப்பட்டுள்ளது.

 இவ்விழாவிற்கு மதுரை தியாகராஜர் குழு நிறுவனங்களின் தலைவர் திரு.கருமுத்து.தி. கண்ணன் தலைமையேற்று விருதுகளை வழங்குகிறார்.விழாவில் முதல்முறையாக இசைவடிவில் கவியரசு கண்ணதாசனின் "ஸ்ரீ கிருஷ்ண கவசம்" இசைத்தகடு வெளியிடப்படுகிறது. ஸ்ரீ கிருஷ்ணா ஸ்வீட்ஸ் அதிபர் திரு. ம. கிருஷ்ணன் வெளியிட  ஸ்ரீ கிருஷ்ணா கல்வி நிறுவனங்களின் நிர்வாக அறங்காவலர் திருமதி மலர்விழி பெற்றுக் கொள்கிறார்.

எழுத்தாளர் திரு.நாஞ்சில் நாடன், திரு.காந்தி கண்ணதாசன்,இசைக்கவி ரமணன் ஆகியோர் வாழ்த்துரை வழங்குகின்றனர்.திருச்சியை சேர்ந்த கவிஞர் நந்தலாலா சிறப்புரை நிகழ்த்துகிறார்.முன்னதாக செல்வி பிரியதர்ஷினி ராஜசேகர் வழங்கும் "கவிநயம் அபிநயம்"நிகழ்ச்சி நடைபெறுகிறது. திரு.குணசேகரன் வரவேற்றுப் பேசுகிறார்.திரு.தேவ.ஸ்ரீநிவாசன் நன்றி நவில்கிறார்.எழுத்தாளர் கனகதூரிகா தொகுத்து வழங்குகிறார். 

இது கண்ணதாசன் கழகத்தின் ஏழாம் ஆண்டுவிழா.கடந்த ஆறாண்டுகளாக விருதுகள் வழங்கப்பட்டு வருகின்றன.
இதற்கு முன்னர் எழுத்தாளர்கள் திரு.அசோகமித்திரன்,திரு.வண்ணதாசன்,திரு.கலாப்ரியா,திரு.நாஞ்சில்நாடன்,
திரு.எஸ்.ராமகிருஷ்ணன்,  ஆகியோரும், கலைத்துறையில் பாடலாசிரியர் முத்துலிங்கம், பாடகர்கள் டி.ஆர்.எம்.சாவித்திரி,திரு.சீர்காழி சிவசிதம்பரம்,பதிப்பாளர் திரு பி.ஆர்.சங்கரன்,கவிஞரின் உதவியாளர் திரு.இராம.முத்தையா ஆகியோரும் இந்த விருதுகளைப் பெற்றுள்ளனர்.

Friday, May 9, 2014

ஆட்டம்: இச்சைகளின் பெரும் கபடி

சு. வேணுகோபாலின் சமீபத்திய குறுநாவலான ஆட்டம் வாசித்தேன். ஒரு நல்ல நாவல் நான்கைந்து நாட்களுக்கு வேறெந்த புத்தகத்தையும் தொட விடாது. மனதை மீண்டும் மீண்டும் கதை மாந்தர்களின் மீதே லயிக்கச் செய்து விடும். தினசரி வாழ்வின் வேறொரு தருணத்துடன் நாவலின் தருணங்கள் மோதி மோதியே புதிய திறப்புகளை உருவாக்கும். சமயங்களில் வாசகனின் அப்ஷர்வேஸன் எழுத்தாளனே எதிர்பாராத கோணங்களில் முட்டி நிற்கும். நினைக்கும்தோறும் புதிய கோணங்களில் பீறிட்டெழக்கூடிய வாழ்தலின் கணக்கற்ற சாத்தியங்களை தன்னகத்தே கொண்டிருக்கிறது இந்நாவல்.

இச்சைகளின் பெரும்கபடியாட்டமே இந்நாவல். விளையாட்டிற்குத்தான் விதிகள் உண்டு. மானுட இச்சைகளுக்கு இல்லை. காலை வாறி விட கைகோர்த்து காத்திருக்கும் காமத்தின் மாய அரணைத் தாண்டி உப்புக்கோட்டைத் தொட்டுத் திரும்புவது சாமான்யம் அல்ல.

கதையின் நாயகன் வடிவேல், வீரபாண்டி வட்டாரத்திலேயே புகழ்மிக்க கபடி வீரன். எதிர்ப்புகளுக்கிடையே காதல்மணம் செய்து கொண்டு பிழைப்பிற்காக திருப்பூரில் குடித்தனம் செய்கிறான். இரண்டு பிள்ளைகள். கணவனும் மனைவியுமாக வேலைக்குப் போகிறார்கள். மனைவிக்கு இன்னொருவரிடம் தொடுப்பு உருவாகிறது. கதாநாயகன் சுதாரிப்பதற்குள் அவள் தன் காதலனுடன் காணாமல் போய்விடுகிறாள். வேறு வழியில்லாமல் பிள்ளைகளோடு கிராமத்திற்கு திரும்புகிறான். தனக்கு ஏற்பட்ட சரிவை, அவமானத்தை கபடியில் மீண்டும் சாதித்து புகழடைவதன் மூலம் மீட்க முடியுமென நம்புகிறான். கல்லையும் பந்தடித்த இளமை போய் முதுமை முன்னுரை எழுதத் துவங்கிய நாற்பதின் மத்தியில் அவனது முயற்சிகள் மீண்டும் மீண்டும் பொய்த்துப் போகின்றன. அவனது பயிற்சிகளுக்கும், முயற்சிகளுக்கும் நடுவிலான மன ஓட்டமே நாவலாக விரிவடைகிறது.

வேணுகோபாலின் மொழி பிடிபடுவதில்லை என சில நண்பர்கள் சொல்லக் கேட்டிருக்கிறேன். என் தனிப்பட்ட அபிப்ராயத்தில் வேணுவின் புனைவு மொழி மிக மிகக் கச்சிதமானது. நேரடியானது. விரித்து விரித்து அல்ல வாழ்வோடு ஒட்டிச் செல்லக்கூடிய ஓரிரு வரிகளிலே மனதிற்கு நெருக்கமாகி வரக்கூடியது. வேணு எனும் மகத்தான கலைஞனை உள்வாங்கிக்கொள்ள இலக்கியப் பயிற்சியோ, நுண்ணுணர்வோ எதுவும் தேவையில்லை. வாழ்க்கையைத் தெரிந்திருந்தாலே, அதன் பாடுகளைப் புரிந்திருந்தாலே போதுமானது என்பதென் துணிபு.

சித்தியின் காமத்திற்குப் பொலிகாளையாய் பலியாகிப் போகும் காளையன்; ஒற்றைத் தண்டவாளத்தில் சைக்கிள் ஓட்டும் சாகஸக்காரன் பிரேம்குமாருக்கு சாலையில் நேரிடும் கோர மரணம்; தன் வளர்ச்சியைத் தடுக்க நினைத்த, தன்னை ஒருபோதும் கபடி வீரனாக மனம் ஒப்பி ஏற்றுக்கொள்ளாத வடிவேலையும் ஒரு மகத்தான கபடி வீரனாக தன் முன்னோடியாக மனதில் ஆராதிக்கும் வைரமணி; ஆண்களைத் தன் தினவைத் தீர்க்கும் ஒரு பொருளாக மட்டுமே கருதும் நாகமணி; கோட்டூர்க்காரியின் கள்ளுக்கடை வாழ்க்கைச்சூழல்; முந்தைய கணவனுக்குப் பிறந்த தன் மகளை வருடத்திற்கு ஒருமுறை திருவிழாவில் மட்டுமே காண முடிகிற வடிவேலின் ஆத்தாளின் பரிதவிப்பு; தன் தகப்பனின் நிலையறிந்து அவனை ஒருபோதும் தொந்தரவு செய்யாத குழந்தைகள்; மனைவி ஓடிப்போனதைக் கேலி பேசாத நண்பர்கள், அவமதிக்காத உறவினர்கள், கரும்பு தூளியை தூக்கிக்கொண்டு ஓடும் குறத்தி, மனநிலை பாதிக்கப்பட்ட குழந்தைகளின் ஓட்டப்பந்தயம் - நாவலெங்கும் விதம் விதமான பாத்திரங்கள், கிளைக்கதைகள்.

எந்த கதாபாத்திரத்தின் மீதும் கோபம் கொள்ள முடியாத கையறு நிலைதான் வாசகனுக்கு. வாழ்வின் விசித்திரங்களுக்குக் காரணமே கிடையாது. எல்லோரும் சூழலின் கைதிகளே. பிள்ளைகளைத் துள்ளத் துடிக்க விட்டு, ஊரே எதிர்க்க தன்னைக் கைப்பிடித்த காதலனையும் பரிதவிக்க விட்டு விட்டு ஓடிய கனகத்தின் மீது கூட எரிச்சல் வரவில்லை. மாறாக வடிவேலின் அம்மா தன் முதற் கணவனுக்குப் பிறந்த பிள்ளைகளுக்கும் சேர்த்து மாவிளக்குப் போடுவதைப் போல உலகின் எங்கோ ஒரு மூலையில் நெஞ்சு கனத்து விழிகளில் கண்ணீர் கோர்க்க தன் பிள்ளைகளுக்காக கனகமும் மாவிளக்கு போட்டுக்கொண்டோ, முழந்தாழிட்டு ஜெபித்துக்கொண்டோதானே இருப்பாள்?! நாவலெங்கும் ஒரு நாய் தன் குட்டிகளைத் தேடி காடு மேடேங்கும் அலைந்து கொண்டே இருக்கிறது. அப்போதுதான் ஈன்ற குட்டிகளை யாரோ ஒரு குட்டி கூட விடாமல் தூக்கிச் சென்றிருப்பர். நாவலெங்கும் கிளைபரப்பியிருக்கிற தாய்மையின் பரிதவிப்பை இந்த நாய் ஊமைவலியாக வாசகனுக்குக் கடத்துகிறது.

நம் சமூக அமைப்பில் ஒரு ஆண்மகன் அடையக்கூடிய அதிகபட்ச அவமதிப்பு அவன் மனைவி இன்னொருவனோடு சென்று விடுவதுதான். அவன் தரப்பு குற்றமென ஒன்று இல்லாத போதும் உலகம் உடனடியாக அவனது ஆண்மையையே சந்தேகிக்கும். வைத்து வாழ வக்கற்ற பேடி என கேலி பேசும். குழந்தைகளின் பிறப்பை சந்தேகிக்கும். அவர்களை முடிந்த மட்டும் சீண்டி ஊனப்படுத்தும். மனைவியைப் பறிகொடுத்த ஒருவன் மீளவே வழியில்லை. இது ஒருவகையென்றால், ஓடிப்போன மனைவி திரும்ப வந்து விட்டால் அது இன்னும் உச்சபட்ச கொடுமை. அவளோடு இன்னொரு வாழ்க்கையும் சாத்தியமில்லை. அதே சமயம் பிள்ளைகளுக்காக ஏற்றுக்கொண்டுதான் ஆக வேண்டிய கட்டாயம். ஒருவேளை அப்படி ஏற்றுக்கொண்டால் ஊர்க்காரர்களின் சீண்டல்கள் இன்னும் அதிகமாக இருக்கும். மேலதிகமாக, தனக்கும் கிடைக்குமாவென முயற்சித்தும் பார்ப்பார்கள். ஏங்கே கனகம் திரும்பி வந்து விடுவாளோ என்கிற பதட்டமும் உருவாகிறது. நல்லவேளையாக கனகம் இரண்டாவது முறையாக வடிவேலைக் கொல்லவில்லை.

நாவலில் உக்கிரமான ஒரு கபடிப் போட்டி நடக்கிறது. வடிவேல் ரகசியமாக எடுத்துக்கொண்ட அர்த்த ராத்திரிப் பயிற்சிகள் அவனுக்கு உதவுமா? மகத்தான கபடி வீரனான அவனுடைய அனுபவங்கள் கைகொடுக்குமா? கபடியில் ஜெயித்து தன்னை மறுமணம் செய்ய மறுத்த பெண்ணையும், இழந்த புகழையும் மீட்டுவானா? இறுதிக்காட்சியில் சீட்டின் நுனிக்கு வரும் திரைப்பார்வையாளன் போல. மைதானப் புழுதி கிளம்பி நாசியை அடைய கைகளை உதறிக்கொண்டு வாசகனும் பதட்டத்தோடு பங்கேற்கும் சித்தரிப்பு வல்லமை வேணுகோபாலின் மொழிக்கு இருக்கிறது. அந்த அத்தியாயத்தில் நானே பாடிச்சென்றேன். நானே உப்புக்கோட்டைத் தொட்டேன். நானே பாயிண்டுகள் எடுத்தேன். நானே எதிரணியால் சுற்றி வளைக்கப்பட்டு, பார்வையாளர்கள் மத்தியில் தூக்கியெறியப்பட்டேன். "அவரவருக்குத் தெரிந்த விதத்தில் ஆடுகின்றனர்; தெரியாமல் ஆடித் தெரிந்தும் கொள்கின்றனர். ஆடாதவர்களுக்கு வாழ்க்கையில்லை. வாழ்க்கையில் ஆடாதவர்கள் இல்லை. ஆட்டமே வாழ்க்கை. வாழ்க்கையே ஆட்டம். மானுட ஆட்டம்!” எனும் வரிகளோடு அந்த அத்தியாயம் முடிகிறது. மொத்த நாவலையுமே சில வரிகளில் சுருக்குவதென்றால் மேற்கண்ட வரிகள்தாம் நாவல்.

அத்தனைத் தோல்விகளுக்குப் பிறகும், காமத்தின் அலைக்கழிப்புகளுக்குப் பிறகும் வடிவேல் பயிற்சியையும், முயற்சியையும் கைவிடுவதில்லை. இறுதி அத்தியாயத்தின் கடைசி வரிகளில் அவனுக்கு சிறிய பொறி தட்டுகிறது. சோள வியாபாரம் துவக்கினால் என்ன என்று. நாம் நடந்தால் வாழ்வு நம்மோடு நடக்குமெனும் பாதசாரியின் வரிகளைப் போல. அதிர்கின்ற வீணையில் தூசு குந்தாது எனும் பிரமிளின் வரிகளைப் போல. ஆடாதவர்களுக்கு வாழ்க்கையில்லை.

நூல்: ஆட்டம்
ஆசிரியர்: சு. வேணுகோபால்
விலை: ரூ.100/-
பதிப்பகம்: தமிழினி

Thursday, May 8, 2014

மனக்காளான்

* பொதுக்காரியத்திற்காக காலையில் ஒரு வட்டத்தையும், வார்டு கவுன்சிலரையும் சந்தித்தேன்; கவுண்டர் ஏன் மகான் என்பது புரிந்தது.


* இன்று ஒருவர் தன்னை 'நேரலை நாராயணன்' என அறிமுகப்படுத்திக் கொண்டார்; எல்லா தொலைக்காட்சி விவாதத்திற்கும் போன் செய்பவராம்!


* நானொரு சூப் வாக்காளன்; நான் ஓட்டு போட்ட வேட்பாளர்கள் இதுவரை ஜெயித்ததில்லை :-(


* ஒளவையாரை ரீமேக் செய்வதென்றால் என் சாய்ஸ் ஃப்ரீத்தி ஜிந்தா!


* ஓர் இலக்கிய வாசகனை சங்கடப்படுத்தும் கேள்வி 'எஸ்ராவோட பெஸ்டு நாவல் எது?'


* ஃப்ரீத்திக்கு நான் கேரண்டி # மேக்ஸ்வெல்!


* பார்த்தீவ் பட்டேல் வைத்திருக்கும் பேட் 'பேபி பிளானட்' கடையில் வாங்கியது.


* தட் மொதல்ல கழுத்துல கட்டிருக்கிற ஷூ லேஸ அவுருடா மொமண்ட்! #
முரளி கார்த்திக்


* பவுலர் நதீமை ஆசாரிப்பள்ளம் ஆஸ்பத்திரியில் பார்த்திருக்கிறேன்.


* வண்ணதாசன் 2.0 - ராஜூமுருகன்
வண்ணதாசன் 3.0 - நா.முத்துக்குமார்
வண்ணதாசன் 4.0 - மாரி செல்வராஜ்


* நடந்து முடிந்த பிரச்சாரத்தில் வாக்களிக்க வேண்டிய சின்னத்தை மாற்றி சொல்லாததிலிருந்தே அண்ணனின் அரசியல் வளர்ச்சியை எதிரிகள் புரிந்துகொள்ளலாம் # கேப்டன் # தட் சூதும் வாதும் எங்களுக்கும் தெரியும் மொமண்ட்!


* பாகிஸ்தான் அணியின் ஃபீல்டிங் பயிற்சியாளர் நாராயணசாமியா?!


* அவுக ஊருல பவுலரெல்லாம் மூக்கப் பாத்துதான் எடுப்பாகளாம்... # பாகிஸ்தான்


* மீச்சிறிய சேவைக் குறைப்பாட்டினையும் கூட சகிக்க இயலாதவனாக மன அமைப்பு மாறியிருப்பதன் அபாயங்களை கவலையோடு யோசித்துக்கொண்டிருக்கிறேன்.


* எங்கே, எவரிடம், எப்போது குரல் உயர்த்திப் பேசினாலும் நஷ்டத்தோடுதான் அமர வேண்டியிருக்கிறது.

* ஒரே லெக்கின்ஸை ஓயாம போட்டு நைட் பேண்ட் கணக்கா ஆக்கிடுறாய்ங்க...


* வாயை மூடி தும்மவும்.

* நவயுகத்தில் 'புரோட்டா ரெடி' என எழுதி மாட்டுவதோடு சிலேட்டின் பயன்பாடு முடிந்து விடுகிறது.


* கமல் காப்பியடிக்கிறார்னு சொல்லலை; காப்பியடிக்காம இருந்தா நல்லா இருக்கும்னுதான் சொல்ல வர்றோம் :-)


* உளுந்த வடையின் முறுகல் மணம் போல பசியை கிளர்த்தக் கூடியது வேறேதும் இல்லை.


* அடி தடையில்லா மின்சாரமே... முருகேசன் சம்சாரமே...


* நஸ்ரியாவுடன் நிச்சயம் ஆகும் முன்பு வரை பஹத் பாஸிலைப் பிடித்திருந்தது.


* பூக்களைத்தான் பறிக்காதீங்க... புருஷனைத்தான் மிதிக்காதீங்க...


* வி வாண்ட் சின்ன கேப்டன் சண்முக பாண்டியன் இன் சென்னை சூப்பர் கிங்ஸ்!


* உன் அத்தனை காதலர்களிலும் நான் சிறந்தவனா - தெரியவில்லை; என் காதலிகளில் நீயே முதன்மையானவள்! # காதுள்ளவர்கள் தின வாழ்த்துக்கள்.

* புலம்பெயர்நாடுகளின் தமிழ்ச்சங்கங்களை ஜனத்தொகையுடன் வகுத்துப்பார்க்கையில் தலா 3 நபர்களுக்கு 4சங்கங்கள் வீதம் உள்ளதென ஆய்வில் தெரியவந்துள்ளது

* ஸ்டீவ் ஸ்டிஃப்ளர் எந்த அணிக்காக தேர்வாகியுள்ளார்? # ipl

* ஏல...ஐயா.. பெரிய கண்ணாடியா மாட்டிட்டு அலையுதியே..சவம் ஆப்பரசன் எதும் பண்ணியிருக்கியாலே..# தட் கிழடுகளுக்குத் தெரியுமா கூலர்ஸ் வாசனை மொமண்ட்!


* ஒரு சிறுகதையில் சிறிய அளவிலேனும் கதை இருக்கும்படி பார்த்துக்கொள்ளுங்கள் - நாணப்பன்

* இந்தியா முழுவதிலும் உள்ள நகைச்சுவை நடிகர்களுக்கு பெரிய அச்சுறுத்தல் ராகுல்தான்.

* ஓவ்... மைனியாரே... பழைய பாலுலயா காபி போட்டுத் தாரீய... # ஏதோ இலக்கிய நுண்ணுணர்வு இருக்கிறதால கண்டுபிடிக்க முடியுது; இல்லாட்டி கஷ்டம்.

* அம் ஆத்மி சின்னம் பிஞ்சி விடும் என்றாளே கம் வித் மீ என்றமைக்கு # இதான ஓய் வெண்பாம்?

* கிரிக்கெட்,டென்னிஸ் -புகுந்து கலக்குவது போல பெண்கள் ஜல்லிக்கட்டிலும் கலந்து கொண்டு தாங்கள் சளைத்தவர்கள்  அல்ல என்பதை நிரூபிக்கும்படி...

* அவனவனுக்கு அவனவனே பெருஞ்சுமை. பெருமை கச்சாத்துக்கு உறவு கொண்டாடுகிறோம்.

* தட் 'தம் கட்டி ஏழு பாரா அடித்து அனுப்புகிற மெயிலுக்கு 'வெவ்வெவ்வெவ்வே...'ன்னு ஒரே வார்த்தையில் ரிப்ளை வந்தால்' மொமண்ட்!

* நாய்களுக்கு மங்கிக் குல்லாய் அணிந்தவர்கள் மீது  கொலைவெறி ஏற்படுவதற்கு வரலாற்று ரீதியிலான காரணங்கள் இருக்குமா எனும் சிந்தனையோடு இந்தநாளை துவங்குகிறேன்.

* என் அபிப்ராயத்தில் எக்ஸைல்-2 வெளியீட்டு விழா நடத்த சேப்பாக்கம்தான் சரியாக இருக்கும்.

* தொடர்ந்து ஒரு எழுத்தாளனை வாசிக்கிறவன், அவரைக் கண்காணிக்கிறவனாகிறான் - மூக்கையா

* 4 ஓவர்களில் 120 ரன்கள் கொடுத்து புதிய சாதனை படைப்பதே லட்சியம்! - அசோக் டிண்டா

* முதலில் சோட்டா பீமாக நடிக்க பார்த்தீவ் படேலைத்தான் அணுகினார்களாம்.

* தோழர் விஜய் சைவம் என்றொரு படம் எடுத்திருக்கிறாராம்; மூலப்படம் எதுவென்று சொன்னால், இப்போதே தேடிப் பார்த்து விடலாம்.

* ஒவ்வொரு முறை நீங்கள் என்னைச் சந்திக்கும் போதும் உங்கள் அறிவு 50% அதிகரித்திருப்பதைக் கவனிக்கிறீர்களா?

* ஏ பொட்ட புள்ள பெத்ததுமே கொட்டம் அடங்கிடுச்சே...

* அவன்: வெயில்ல போட்டா சார்ஜ் ஆகுற மாதிரி போன் இருக்கா சார்...

இவன்: ம்ம்.. இருக்கு சார்.. பட் டிரஸ் போட்டுட்டு யூஸ் பண்ணா வேல செய்யாது பரவால்லயா..

* கூடை மேல கூடை வச்சி குப்ப அள்ள போறவளே...

* என் மகள் மான் பார்க்க வேண்டுமென ஆசைப்படுகிறாள்; கொஞ்சம் வீடு வரைக்கும் வந்து போக முடியுமா? #  வெட்கப்பட வைக்கும் பிக்கப் லைன்கள் :-)

* நெட் பிராக்டீஸ் டிவில காட்டினான்; எல்லா பாகிஸ்தான் பவுலர்ஸூம் அஃப்ரிடிக்குப் பவுலிங் போட்டு பழகுறானுக.. பொறவு எப்படிடா வெளங்குவீங்க...